Ungur hestur er í óskilum á bænum Valbjarnarvöllum. Þetta er steingrátt tveggja vetra tryppi með hring í auga. Eigandinn hefur ekki fundist þrátt fyrir nokkra eftirgrennslan. Þeir sem kannast við hrossið eru vinsamlegast beðnir að hafa samband við Sigurjón á Valbjarnarvöllum í síma 895 0787 eða Halldór Sigurðsson í síma 892 3044.

 

Borgarbyggð óskar eftir tilboðum í skólaakstur við grunnskólana í Borgarbyggð og akstur í tómstundastarf skólaárin 2012-2013, 2013-2014, 2014-2015 og 2015-2016.

 

Leikskólinn Klettaborg er 3ja deilda leikskóli fyrir börn frá 18 mánaða – 6 ára. Megináhersluatriði leikskólans eru samskipti, skapandi starf og nám án aðgreiningar. Leikskólinn Klettaborg vinnur að innleiðingu leikskólalæsis og er frumkvöðla leikskóli í heilsueflingu.

 

Grunnskóli Borgarfjarðar óskar eftir áhugasömu fólki í eftirtalin störf:

Við Kleppjárnsreykjadeild vantar:

· Sérkennara

 

Síðastliðið haust skipaði stjórn Borgarfjarðarstofu vinnuhóp um nýtingu vindorku í Borgarbyggð. Hlutverk hópsins var að vinna fýsileikakönnun á nýtingu vindorku í sveitarfélaginu. Á síðasta fundi Borgarfjarðarstofu var lögð fram skýrsla vinnuhópsins og er hún öllum aðgengileg hér á heimasíðunni. Í hópnum sátu þau Auður H. Ingólfsdóttir (Háskólinn á Bifröst), Sigtryggur V. Herbertsson (LbhÍ), Sigurður Guðmundsson og Unnsteinn Elíasson. Starfsmaður hópsins var Einar Þ Eyjólfsson, atvinnuráðgjafi hjá SSV. Stjórn Borgarfjarðarstofu þakkar vinnuhópnum vel unnin störf og hvetur til þess að áfram verði unnið að skoðun á nýtingu nýrra orkugjafa á köldum svæðum.

Skýrsla um nýtingu vindorku. 

 

Þann 21. september í fyrra kom í heimsókn til Borgarbyggðar 50 manna hópur frá skrifstofu náttúru og útivistar hjá Umhverfis- og samgöngusviði Reykjavíkurborgar til að skoða garða og útivistarsvæði í Borgarbyggð. Í lok dags þá gaf Reykjarvíkurborg Borgarbyggð 5 tré sem plantað var daginn eftir í Skallagrímsgarði. Þetta voru tegundirnar Kínareynir (Sorbus Vilmorinii), Rósareynir (Sorbus Rosa), 2 Steinbjarkir (Betula ermanii (kamtchatka, B.J.)) og Bergreynir (Sorbus x ambigius). Þrátt fyrir mikið snjófarg sem á þeim lá í vetur eru þau óbrotin og virðast ætla að dafna vel.

Síðast komu ný tré í garðinn árið 2008 þegar plantað var í kringum sviðið plöntum frá Skógræktarfélagi Hafnarfjarðar, Gróðrastöðinni Gleymmérei og annars staðar í garðinum trjám frá Skógrækt ríkisins í Skorradal.

 

 

Nú stendur yfir innritun nýnema í Tónlistarskóla Borgarfjarðar. 

Hægt er að sækja um bæði símleiðis, 437 2330 og á netfanginu: tskb@simnet.is.

 

 

Það sem koma þarf fram er:

    Nafn umsækjanda:

    Kennitala umsækjanda:

    Hljóðfæri:

    Símanúmer (heimasími+gsm):

    Heimilisfang  (lögheimili):

    Netfang:

    Nafn og kennitala foreldris/greiðanda:

    Annað sem þú vilt taka fram:

 

Nánari upplýsingar í fréttabréfi sem sést með því að smella hér.

 

Vortónleikarnir verða sem hér segir:

 

Opnuð hefur verið í Safnahúsi Borgarfjarðar sýning á ljósmyndum Þorsteins Jósepssonar (1907-1967), blaðamanns og ljósmyndara frá Signýjarstöðum í Hálsasveit. Sýningin er sett upp í samvinnu við Þjóðminjasafn Íslands og um er að ræða vinnuuppstillingu þar sem fólk er beðið að gefa frekari upplýsingar um myndirnar sé þess kostur. Myndirnar eru af mannlífi í Borgarfjarðar- og Mýrasýslum fyrir og um miðja síðustu öld og má þar sjá margar athyglisverðar myndir bæði af stöðum og fólki. Sýningin verður opin til 20. ágúst alla virka daga frá 13-18 og á öðrum tímum eftir samkomulagi.

Þess má geta að í kvöld (8. maí) flytur Þorsteinn Þorsteinsson frá Húsafelli fyrirlestur í Snorrastofu í Reykholti um foreldra Þorsteins, þau Jósep G. Elíeserson og Ástríði Þorsteinsdóttur.

 

Við Grunnskólann í Borgarnesi eru lausar til umsóknar staða/stöður grunnskólakennara. Kennslugreinar eru almenn kennsla á miðstigi og textílmennt. Áhugasamir kennarar eru hvattir til að hafa samband við skólastjóra, Kristján Gíslason, kristgis@grunnborg.is, í síma 437-1229 eða 898-4569 og fá þannig frekari upplýsingar um skólann og starfsemi hans. Einnig er bent á heimasíðu skólans, www.grunnborg.is . Umsóknarfrestur er til 15. maí.

 

Síðasti fyrirlestur Snorrastofu þennan veturinn verður þriðjudaginn 8. maí næstkomandi. Þá mun Þorsteinn Þorsteinsson frá Húsafelli flytja fyrirlestur um þau mekishjón, Ástríði Þorsteinsdóttur frá Húsafelli og Jósep Elíesersson, sem ættaður var úr Húnaþingi. Lengst af bjuggu þau á Signýjarstöðum, eða frá 1901-1946. Þegar skyggnst er yfir ævi þeirra kemur margt forvitnilegt í ljós. Athafna- og framtakssemi Jóseps var við brugðið og setti hann meðal annars upp verlsun við Kljáfoss. Þá var persónuleiki Ástríðar ekki síður áhugaverður og kvöldstundin verður tileinkuð lífshlaupi þeirra beggja og þátttöku í samfélagi horfins tíma. Fyrirlesturinn hefst kl. 20.30. 

 

Líkt og undanfarin ár er íbúum Borgarbyggðar gefinn kostur á að leigja sér matjurtagarða til ræktunar í sumar. Garðarnir eru í landi Gróðrarstövarinnar Gleymérei í við Borgarnes og verða tilbúnir til afhendingar nú í maíbyrjun. Tvær stærðir eru í boði, 15 m2 á kr. 3.950 og 30 m2 á kr. 5.600. Áhugasamir eru beðnir að hafa samband við Björgu Gunnarsdóttur umhverfis- og landbúnaðarfulltrúa Borgarbyggðar í síma 433 7100 eða á netfangið bjorg@borgarbyggd.is   Sjá auglýsingu hér.

 

Umhverfis- og skipulagsnefnd Borgarbyggðar mun í samstarfi við Landbúnaðarnefnd veita umhverfisviðurkenningar í fjórum flokkum í ár. Veittar verða viðurkenningar fyrir besta frágang lóðar við íbúðarhúsnæði og atvinnuhúsnæði, snyrtilegasta bændabýlið og auk þess verður veitt  sérstök viðurkenning Umhverfis- og skipulagsnefndar. Óskað er eftir tilnefningum frá íbúum um hverjir eigi að hljóta viðurkenningar í ofantöldum flokkum. Tilnefningar skal senda til Bjargar Gunnarsdóttur umhverfis- og landbúnaðarfulltrúa í bréfi eða tölvupósti fyrir 27. júlí 2012.

Sjá auglýsingu hér

 

Starfsmaður óskast í fullt starf við leikskólann Hnoðraból frá og með 9. ágúst 2012.  Starfið  skiptist þannig, 60% staða matráðs og 40% staða inn á deild.

 

Komið er á heimasíðuna yfirlit yfir árangur sorpflokkunnar íbúa Borgarbyggðar í mars 2012.

 

Tveir nemendur eru að ljúka framhaldsprófi í píanóleik frá Tónlistarskóla Borgarfjarðar, þær Birna Kristín Ásbjörnsdóttir og Hallbjörg Erla Fjeldsted. Framhaldsprófstónleikarnir verða í Borgarneskirkju fimmtudaginn 3. maí kl. 20:00.

 

Knattspyrnudeild Skallagríms í samstarfi við Borgarbyggð, mun á næstunni  bjóða upp á nýjung í starfi sínu, verkefni sem kallast Fótbolti fyrir alla. Um er að ræða vikulegar knattspyrnuæfingar fyrir börn og unglinga með sérþarfir, einstaklinga sem af einhverjum ástæðum eiga erfitt með að stunda reglulegt íþrótta-og tómstundastarf. Æft verður í litlum hópum, æfingar eru einstaklingsmiðaðar og þátttakendur æfa fótbolta á eigin forsendum undir leiðsögn vel menntaðra og reyndra þjálfara.

 

Dagskrá á vegum Snorrastofu í Reykholti um bóndann og þúsundþjalasmiðinn á Sturlureykjum, sem fyrir rúmum 100 árum hóf að nýta jarðvarma til hagsbóta fyrir heimili sitt og samborgarana.

 

Ekkert dagforeldri hefur starfað á Hvanneyri í vetur og vantar dagvistun fyrir börn yngri en 18 mánaða.

Dagforeldrar starfa sjálfstætt, en Borgarbyggð niðurgreiðir kostnað vegna vistunarinnar beint til dagforeldris sjá http://www.borgarbyggd.is/Files/Skra_0046108.pdf

Leyfi þarf til að starfa sem dagforeldri, sbr. Reglugerð um daggæslu barna í heimahúsum nr. 907/2005. Leyfisveitingar eru hjá velferðarnefnd – allar upplýsingar hjá félagsmálastjóra hjordis@borgarbyggd.is

Önnur umsýsla með starfseminni, s.s. endurgreiðslur, yfirsýn yfir þörf o.þ.h. er hjá fræðslustjóra steinunn@borgarbyggd.is

Einnig er bent á heimasíðu Borgarbyggðar starfsemi/fræðslumál/dagmæður.

 

Á morgun 25. apríl 2012 er ,,Dagur umhverfisins" sem að þessu sinni er tileinkaður 250 ára fæðingarafmæli læknisins og náttúrufræðingsins Sveini Pálssyni. Sjá hér.

 

Af því tilefni mun Skógræktarfélag Borgarfjarðar í samvinnu við umsjónarnefnd Einkunna standa fyrir gönguferð í Einkunnum, eina fólkvangnum á Vesturlandi. Lagt verður af stað frá bílastæðinu við Litlu-Einkunnir kl. 20:00.

 

Gæludýraeftirlitsmaður handsamaði kött í dag í Borgarnesi sem er ómerktur. Kötturinn er stór, svartur og hvítur/ljósgrár eins og sjá má á myndinni.

 

Ef einhver kannast við að eiga þennan kött er viðkomandi vinsamlegast beðinn að hafa samband við gæludýraeftirlitsmann, Guðmund Skúla Halldórsson í síma 8925044.