Félagsstarf aldraðra og öryrkja 

Félagsstarf aldraðra á 1. hæð Borgarbraut 65a í Borgarnesi er opið kl. 12.00 - 16.00 alla virka daga frá byrjun september til maíloka.

Nú á haustdögum 2011 er verið að endurskipuleggja félagsstarfið þannig að þar er enginn fastastarfsmaður. Elín Valgarðsdóttir, sem sér um vakt í þjónustuíbúðum aldraðra og Hjördís Hjartardóttir félagsmálastjóri munu halda utan um og skipuleggja starfið með liðsinni fulltrúa notenda; Guðnýju Ingvadóttur, Ragnheiði Jóhannesdóttur og Sigurði Eiðssyni sem valin voru á fundi með notendum.

Starfsemin er að mestu óbreytt – fram fer handavinna, spjall og spilamennska og stefnt er að því að hafa stutt námskeið.

Leiðbeinendur eru í félagsstarfinu tvo daga í viku – á þriðjudögum Hrafnhildur Ormsdóttir og á miðvikudögum Edda Soffía Karlsdóttir

Virka daga er hægt að kaupa heitan mat í hádeginu félagsstarfinu.

Félag eldri borgara í Borgarfjarðardölum stendur fyrir vikulegri starfsemi fyrir eldri borgara á miðvikudögum í Félagsheimilinu Brún.

Félag eldri borgara í Borgarnesi og nágrenni stendur fyrir mánaðarlegum fundum í risinu.

Félög eldri borgara

Félag eldri borgara í Borgarnesi og nágrenni. Form. Guðrún María Harðardóttir, Borgarnesi.

Félag eldri borgara í Borgarfjarðardölum. Formaður félagsins er Sveinn Hallgrímsson, Vatnshömrum.