Ár 2012, fimmtudaginn 12. janúar kom sveitarstjórn Borgarbyggðar saman til fundar kl. 16:00 í ráðhúsinu að Borgarbraut 14 í Borgarnesi.

Fundinn sátu:

            aðalfulltrúar:              

                                               Ragnar Frank Kristjánsson

                                               Ingibjörg Daníelsdóttir

                                               Björn Bjarki Þorsteinsson

                                               Dagbjartur I. Arilíusson

                                               Jónína Erna Arnardóttir

                                               Sigríður G. Bjarnadóttir

                                               Finnbogi Leifsson

                                               Geirlaug Jóhannsdóttir

                                               Jóhannes F. Stefánsson

            sveitarstjóri:                Páll S. Brynjarsson

Fundargerð ritaði Eiríkur Ólafsson.

Forseti setti fund og  var eftirfarandi tekið fyrir:

1.         Fundargerð sveitarstjórnar 08.12.         ( 82)

Bjarki lagði fram svohljóðandi tillögu:

„Sveitarstjórn Borgarbyggðar samþykkir að falla frá hækkun leikskólagjalda á árinu 2012.  Forsenda þess er að tekjur Borgarbyggðar hækkuðu umfram áætlanir á árinu 2011 og ljóst er að tekjur frá t.a.m. jöfnunarsjóði eru vanáætlaðar fyrir árið 2012 samanber tilkynningar frá sjóðnum.”

Tillagan var samþykkt samhljóða.

Fundargerðin sem er í 11 liðum var framlögð.

Til máls tók BBÞ.

2.         Fundargerð byggðarráðs 15.12.         ( 214 )

Fundargerðin sem er í 14 liðum var samþykkt samhljóða.

Jóhannes tók ekki þátt í afgreiðslu á 6. lið, deiliskipulag sumarhúsasvæðis í landi Ánabrekku, vegna tengsla við aðila málsins.   

Til máls tóku SGB, PSB.

Fundargerð byggðarráðs 22.12.                    ( 215 )

Fundargerðin sem er í 9 liðum var samþykkt samhljóða.     

Til máls tóku JFS, SGB, PSB, RFK, BBÞ, FL.

Fundargerð byggðarráðs 05.01.                    ( 216 )

Ingibjörg lagði fram svohljóðandi tillögu:

”Sveitarstjórn samþykkir að verja kr. 300.000 til stuðnings Lögregluembættinu í Borgarfirði og Dölum til að halda fíkniefnahund.  Vegna hagræðingar í rekstri embættisins hefur komið til tals að skila hundi þeim sem hefur verið lögreglumönnum til aðstoðar við leit á fíkniefnum.  Það er ljóst að sú ráðstöfun kæmi sér mjög illa, ekki hvað síst þegar horft er til þess forvarnargildis sem slíkir hundar hafa haft. 

Því vill sveitarstjórn leggja þetta lóð á vogarskálarnar í þessu máli.”

Tillagan var samþykkt með 8 atkvæðum.  1 (FL) sat hjá.

Ingibjörg lagði fram svohljóðandi bókun:

”Sveitarstjórn Borgarbyggðar mótmælir harðlega fyrirhuguðum niðurskurði hjá Lögregluembættinu í Borgarfirði og Dölum.  Um árabil hefur legið fyrir að fjárveitingar til embættisins hafa engan veginn verið í samræmi við umfang á starfsemi þess.  Umdæmi lögreglunar í Borgarfirði og Dölum er afar víðfemt, umferðarþungi á þjóðvegi 1 og öðrum vegum í umdæminu mikill og dulin búseta vegna háskóla og sumarhúsa sennilega hvergi meiri.

Það er ólíðandi að niðurskurður á fjárveitingum til embættisins skuli leiða til þess að nú þurfi að fækka lögregluþjónum í umdæminu.  Því skorar sveitarstjórn á innanríkisráðuneytið að endurskoða ákvörðun um lækkun á fjárveitingum til embættisins.  Jafnframt óskar sveitarstjórn eftir fundi með innanríkisráðherra um málið.”

Bókunin var samþykkt samhljóða.

Fundargerðin sem er í 15 liðum var samþykkt samhljóða.     

Til máls tóku ID, GJ, PSB, JEA.

3.         Fundargerð velferðarnefndar 04.01.        (  17 )

Fundargerðin sem er í 7  liðum var samþykkt samhljóða.     

4.         Fundargerð tómstundanefndar 09.01.      ( 19 )

Sigríður lagði fram tillögu um breytingu á gjaldskrá íþróttamiðstöðva.

Samþykkt var að vísa tillögu Sigríðar og 5. lið fundargerðarinnar til byggðarráðs.

Fundargerðin sem er í 6 liðum var að öðru leiti samþykkt samhljóða.     

Til máls tóku SGB, PSB, JEA.

5.         Fundargerð stjórnar fólkvangsins Einkunna 09.01.        (  36 )

Fundargerðin sem er í 7 liðum var samþykkt samhljóða.   

6.         Fundargerð afréttarnefndar Þverárréttar 13.11.     (  21 )

Fundargerðin sem er í 2 liðum var samþykkt samhljóða.   

7.         Fundargerð afréttarnefndar Borgarhrepps, Stafholtstungna og

Norðurárdals vestan Norðurár  04.11.                              ( 19 )

Fundargerðin sem er í 2   liðum var samþykkt samhljóða. 

8.         Þriggja ára áætlun sveitarsjóðs og undirfyrirtækja 2013 – 2015 (fyrri umræða)  

Lögð var fram til fyrri umræðu tillaga að þriggja ára áætlun sveitarsjóðs og undirfyrirtæjka fyrir árin 2013 – 2015.    

Sveitarstjóri kynnti  tillöguna.

Geirlaug lagði fram greinargerð minnihluta um breytingar á áherslum í áætluninni.

Bjarki lagði fram svohljóðandi bókun:

„Sú þriggja ára áætlun sem hér er lögð fram er í þeim anda sem unnið hefur verið út frá undanfarið, lögð er áhersla á að standa vörð um þá þjónustu sem er í Borgarbyggð og unnið er markvisst að lækkun skulda. Rætt hefur verið um sölu eigna í sveitarstjórn undanfarið og liggja nú fyrir samþykktir um sölu fasteigna og jarðar.  Þeir áherslupunktar sem minnihlutinn nefnir í greinargerð sinni með þriggja ára áætlun eru ekki allir nýir af nálinni, margir hverjir hafa verið og eru til umræðu í sveitarstjórn og eru til skoðunar í nefndum.

Meirihluti Sjálfstæðisflokks og Vinstrihreyfingarinnar græns framboðs lýsir nú sem fyrr yfir vilja til samstarfs við fulltrúa minnihlutans í sveitarstjórn Borgarbyggðar og á það einnig við um frekari vinnu við þriggja ára áætlun nú á milli umræðna.”

Samþykkt samhljóða að vísa tillögunni ásamt greinargerð minnihluta til síðari umræðu.

Til máls tóku PSB, GJ, BBÞ.

Fleira ekki gert.

Fundargerðin upplesin og samþykkt samhljóða.

Fundi slitið kl.17,55.