FUNDARGERÐ

85. fundar fræðslunefndar

Þriðjudaginn 21. febrúar 2012 kom fræðslunefnd Borgarbyggðar saman til fundar

kl. 16.30 að Borgarbraut 14 í Borgarnesi.

Mætt voru:

Aðalfulltrúar: Bjarki Þorsteinsson formaður

Geirlaug Jóhannsdóttir

Finnbogi Leifsson

Ulla Pedersen

Svanhildur Svansdóttir

Fræðslustjórar: Ásthildur Magnúsdóttir og Steinunn Baldursdóttir sem ritaði fundargerð.

Fjóla Benediktsdóttir áheyrnarfulltrúi úr Skorradal.

Eftirfarandi var tekið fyrir:

MÁLEFNI TÓNLISTARSKÓLA

Á fundinn mættu Theodóra Þorsteinsdóttir skólastjóri og Hulda Hrönn Sigurðardóttir fyrir hönd foreldra.

1.      Biðlistar

Núna eru samtals 20 nemendur á biðlista á ýmis hljóðfæri, einnig eru nokkrir sem vilja komast í fullt nám. Fulltrúi foreldra lýsti áhyggjum af fjölgun á biðlista og þeim niðurskurði sem Tónlistarskólinn hefur orðið fyrir. Reynt er að taka við þeim nemendum sem sækja um á réttum tíma, hinir fara á biðlista. Innritun nýnema verður núna í maí en sem hingað til hefur verið að hausti, það verður auglýst í fréttabréfi sem fyrr inná öll heimili í Borgarbyggð.

2.      Gjaldskrá

Rætt um gjaldskrá, verið er að taka saman upplýsingar um gjaldskrár í öðrum sveitarfélögum og taka aftur fyrir á næsta fræðslunefndarfundi.

3.      Starfsáætlun 2012

Áætlunin lögð fram. Nokkur fækkun hefur orðið á nemendafjölda frá haustönn m.a. vegna minni yfirvinnu kennara.

Áheyrnarfulltrúar tónlistarskólans viku af fundi.

MÁLEFNI LEIKSKÓLA

Á fundinn mættu Guðbjörg Hjaltadóttir fyrir hönd leikskólastjóra, Elín Friðriksdóttir fulltrúi starfsmanna og Jóhanna Sjöfn Guðmundsdóttir  fulltrúi foreldra.

4.      Starfshópur um Hnoðraból

Vinna starfshópsins kynnt, rætt um kosti og galla. Fræðslustjóra falið að senda umsögn til byggðarráðs um stöðu mála.

5.      Úrræði fyrir elsta árgang leikskólabarna úr Klettaborg og Uglukletti í ágúst

Samþykkt að halda áfram að skoða þennan möguleika og kanna hugsanlegan fjölda barna.

6.      Undanþágubeiðnir í leikskóla

Lagðar fram þrjár beiðnir um undanþágu frá aldursmörkum í leikskólann Andabæ. Samþykkt að heimila leikskólastjóra að bjóða börnunum leikskólavist frá og með 16 mánaða aldri, enda rúmist það innan fjárhagsáætlunar ársins.

Fræðslunefnd beinir þeim tilmælum til velferðarnefndar að auglýsa eftir dagforeldrum í sveitarfélaginu.

7.      Erindi frá foreldrafélagi Andabæjar vegna morgunverðar

Samþykkt að veita leikskólunum svigrúm við aðlögun á breytingum á morgunmat.

8.      Starfsáætlanir 2012

Starfsáætlanir lagðar fram, fræðslunefnd þakkar framlagðar áætlanir.

Á fundinn mættu Ingibjörg Inga Guðmundsdóttir skólastjóri, Sæbjörg Kristmannsdóttir fulltrúi kennara og Jóhanna B. Þorvaldsdóttir fulltrúi foreldra boðaði forföll.

Sameiginlegir liðir

9.      Innleiðing nýrrar aðalnámskrár leik- og grunnskóla

Ásthildur kynnti að innleiða eigi skólanámskrárnar fyrir haust 2013. Skapa þarf svigrúm innan hverrar skólastofnunar til að útbúa og endurskoða skólanámskrár. Skólastjórnendur og fræðslustjóri kanni með sameiginlegt námskeið og upphaf þessarar vinnu.

10.  Þjónustukönnun Capacent

Rætt um að gera skoðanakannanir innan leik- og grunnskóla Borgarbyggðar, eins fyrir hvort skólastig. Skólastjórnendur komi með tillögur að 10-15 spurningum sem fyrstu skref, markmiðið yrði að fá nánari upplýsingar um stöðu skólamála í sveitarfélaginu.

Jafnframt óskar fræðslunefnd eftir að fá  innra mat og/eða kannanir frá hverri skólastofnun, skólastjórnendur kynni hver fyrir sína stofnun á næsta fundi fræðslunefndar.

Áheyrnarfulltrúar leikskólans viku af fundi.

MÁLEFNI GRUNNSKÓLA

11.  Skýrsla húsnæðishóps

Skýrslan lögð fram og farið yfir helstu niðurstöður, vísað til byggðarráðs með áorðnum breytingum.

12.  Skólaakstur í Borgarbyggð

Í ljósi þess að endurskoða þarf ákveðnar akstursleiðir, regluverk og möguleika á akstri fyrir Menntaskóla Borgarfjarðar leggur fræðslunefnd til við byggðaráð að gerð verði verðkönnun á skólaakstri í Borgarbyggð.

F.L. studdi ekki tillöguna.

13.  Öryggi í skólaakstri

Ásthildur kynnti könnun meðal skólabílstjóra um öryggismál í skólaakstri.

14.  Námsver

Ásthildur kynnti tillögu að námsveri við Grunnskólann í Borgarnesi, áætlað fyrir börn með einhverfu og aðrar þroskaraskanir. Fræðslunefnd leggur til að stefnt verði að opnun námsvers haustið 2012, fræðslustjóra falið að útbúa umsögn  til byggðarráðs.

15.  Starfsáætlanir 2012

Starfsáætlanir lagðar fram, fræðslunefnd þakkar framlagðar áætlanir.

16.  Skóladagatal 2012-2013

Framlögð drög af skóladagatölum Grunnskólans í Borgarnesi og Grunnskóla Borgarfjarðar fræðslustjóra falið að kynna drögin fyrir leikskólastjórum.

Fleira ekki gert. Fundargerðin upplesin og samþykkt.

Fundi slitið klukkan 21.10.